[polylang_langswitcher]
Uanga nammineq ukiuni 50-ni Kalaallit Nunaata sineriaani angalasarsimavunga, aammalu ilisimalersimallugu assigiinngitsut suut nassatarissagaanni iluarnersoq.
Misilittagaqassuseq aatsaat pissarsiarineqartarpoq misiliinikkut – kisiannili ajunngilluinnarpoq allat misilittagartuut oqaloqatigissalugit.
Kalaallit Nunaanni angalaneq anigussagaanni aammalu nuannisarfigissagaanni atorfissaqartinneqarput atortussat assigiinngitsut aammalu ilisimasaqassusoq annertooq.
Ilai annikinnerpaanik atortorissaaruteqarusuttarput – allat eqqarsartarlutik ajunnginnerpaajusoq atortut annertunerpaajusinnaappata.
Aajuna takussutissaq atortorissaarutit suut toqqarsimanerikka aammalu qanoq atortarnerikka.
Atortorissaarutit ilai atorfissaqartissimanngikkukkit, takussutissaavoq pilersaarusiornerit ajunngitsumik suliarisimagit aammalu iluatsitisimasutit.
Kalaallit Nunaanni angalaneq qanoq navianartigisinnaanersoq annikinaarlugu nalilinngisaannassavat!
Pingaarnersaavoq piareersarneq – piareersimaffigineqassapput nalaassinnaasassat tamaasa, ajutoorsinnaanerit aammalu nalaassinnaasat allat.
Piareersarnermut ilaapput:
- Silap qanoq innissaa misissoruk – assersuutigalugu silassamik nalunaarsuisut pingasut sisamalluunniit. Silaannarsuarmiit silassamik nalunaarsuisut amerlaqaat orninniakkap qanoq innissaanik aamma nalunaarsuisut
- Orninniakkavit qanoq ittuunera ilisimanngikkukku – ilisimannittunik oqaloqatiginnigit.
- Angallatit qanoq ittuunersoq ilisimajuk aammalu atortorissaarutai – angallat illit nammineq piginngikkukku, atortorissaarutai misissukkit aammalu aallartinnak misilitakkit.
- Umiatsiami atortut tamaasa misilittakkit – tamarmik atorneqarsinnaappat aammalu qanoq atorsinnaaneri ilisimavigit?
Assersuut atortorissaarutit nunap iluatigoorluni angalanermi atortorissaarutit inissisimanerinut. Pingajuali nipilersuutinik aqutsinermut atortuuvoq.
Atortorissaarutit uanga nammineq umiatsianni nassartuaannakkakka
Atortorissaarutit eqqarsaatigalugit misissorsimasariaqarpoq assersuutigalugu GPS, mobil/qarasaasiaaqqat, Inreach il.il. batteriivi immersorsimasut aammalu atortorissaarutit immap assingi ilanngullugit, nutaanerpaanik imaqartut.
Isumagiuk atortorissaarutivit aalajangersimasumi inissisimanissaat – ajornaatsumik tikissinnaanngorlugit
Atortut atoreernerisigut inaannut inissikkit.
Angalaqatigisavit tamarmik ilisimasariaqarpaat suut sumi pissarsiarineqarsinnaasut.
Atortut tamarmik eqqortumik atassusersimassapput – atassusersuinermut ilinniarsimasut atukkat. Google atorluarsinnaavoq inunnut nammineerusuttutut Imminnut isigisunut.
Ilaasorisavit aamma tamarmik angallatit ingerlassinnaasariaqarpaat – minnerunngitsumik isumannaallisaanermut atortorissaarutit atorsinnaasariaqarlugit.
- GPS aalajangerlugu inissitaq ekkolodertalik
- VHF Radio aalajangerlugu inissitaq
- CO2-mut kalerrisaarut -kulilte / aamarsuit ikummarluttut ipinartuat navianartuuvoq nalugiuminaallunilu
- Gummibåd – inissitaq ajornaatsumik singissinnaanngorlugu
- Angalaqataasunut naammattunik puttaqutaateqarnissaq
- Puttassutit atineqarsinnaasut naammattut
- Gummibådimut aquuteralak 2,5HK – inissitaq umiatsiamut motorimut sillimmatitut
- Umiatsiap sarpianut sillimmat
- Qulleq seqersaat aalajangersimasoq tikinnagu aqunneqarsinnaasoq, aammalu alla tigumillugu atorneqarsinnaasoq
- Tasseq qaammartartulik (pandelampe) aammalu qaammartartut tigummiinnarneqarsinnaasut
- Inreach marluk, GPS nassarneqarsinnaasoq nunap assinginik imalik: uannut aamma nuliannut – pisariaqartillugu atassuteqarfigisassanik immersugaq
- VHF radio-t marluk imermut illersuusikkat
- Rakettit kalerrisaarutit
- Pooq sungaartoq aappaluaartoq imermit pitarneqarsinnaanngitsoq raket-tinik kalerrisaarutinik aammalu sillimmatinik allanik imalik – gummibådimut ikeriaannaasoq.
- Allunaasat assigiinngitsut – takissusii silissusiilu assigiinngitsut – minnerunngitsumik pitsaassusii ajunngitsut. Allunaasat isui peqillugit nuersaartarpakka – taamaalillutik ajornannginnerusumik tallilersinnaanngortillugit. Allunaasat atornerpaasakka gummibådimut inissitsivinnut nivinngartapakka tigujuminarsarlugit.
- Kisaq anngajaaq naatsumik kalunnertalik – kitsamut oqimaallisaataasinnaasatut sillimmat. Kisaq siaartartoq nassartarpara inissinnissaa ajornannginnerummat.
- Kisaq mikisoq aalajangersimasumik allunaasartalik, nunamut ajornannginnerusumik pitussinnaanissaq eqqarsaatigalugu
- Tissukarluni umiatsiap assumut sammisinnaanissaanut kisaq (drivanker)
- Orsussamut sillimmatitut dunkit – nerisassiornermi orsussat aamma eqqaamagigit
- Sakkut umiatsiamiititat. Atortorissaarutit assigiinngitsut suliarisinnaajumalugit:
- Topnøglesæt aalajangersimasunik angissusillit ilanngullugit
- Tændrør-inut matuersaatit motorinut assigiinngitsunut
- Skruilersuut innaallagissamoortoq
- Skruetrækkerit skruinut assigiinngitsunut
- Svensknøglit angissusii assigiinngitsut
- Oliat assigiinngitsut, Qalunerit, elektronikkinik saliissutit, WD40, silaannaq naqitaq, silikonespray gummimik ussissaatinut tanissutaasinnaasoq
- Skruit møtrikkit spændebånd mikisualuillu allat
- Sikringit taarsiinissamut sillimmatit
- Pakninger
- Motoroliat sillimmatit, hydralikoliat trimflapsinut atugassatut sillimmatit il.il.
- Imermik saliinermut filterit
- Umiatsimut ilitsersuut aamma imaarsaammut elektriskimut
- Powerbanks usb atorlugu sarfassamik immersuinermut – umiatsiami immersuinissami.
Mobilit pingasut telefonit ullumikkut imaqarsinnaalernikuupput:
- Immap assingi nutarterlugit immersukkat – ullumikkut Navionics pitsaanerpaajuvoq nutartigaanerpaajullunilu
- GPS – sumiissuseq sukkanerpaamik nassaarineqarsinnaalluni
- Inreach app taanna atortoralugu telefonikkut atassuteqarsinnaalluni.
- Kisarsimaneq nakkutigalugu app
- Log-bog app:
Ingerlaneq nalunaarsorneqarsinnaalluni, pisarisat, orsussamik atuineq, motorimut tunngasut, suliarineqarnera, taarsersornera il.il. - App qanoq qilersuisinnaanermik ilitsersuut
- Pdf-atorlugu naqitsinerit ilitsersuutinik imallit
- Ulittarnernik tinittarnernillu takussutissaq
Imermik pitarneqarsinnaangitsup puup nunami imarisinnaasaanut assersuut:
Uanga nammineq puujuteqarpunga imarisaanik takusiffiusinnaasunik 20 literitut angitigisunik, taamaasillunga imarisai takusinnaallugit imaajarnagit.
Nunamiinngikkuma umiatsiap aquani nivingasarput, taamaasillunga pisariaqalernerani tigoriaannanngorlugit. Pisussagaangama nammattamut inissitsiveqarlunga puup nivinngarfigisinnaasaanik. Assersuutigalugu Inreach VHF-lu nassarsinnaallugit sinneri gummibåd-ip eqqaaniitillugit.
- Inreach GPS nunap assinginik ingerlavigisimasanillu imallit
- VHF nassartagaq
- Qaammartartoq qaamut inissittagaq
- Orsussat sillimmatit
- Nipputtartut
- Qinngutit
- Savimmut sillit
- Milluaat kulstofimik saliissutilik imeq mingunnikoq imerneqarsinnaanngorlugu
- Multitool assigiinngitsuni bitsilik atortut assigiinngitsut iluarsaassinnaanngortillugit assersuutigalugu pilattuut, agiut, pussugutit il.il.
- Qitequtaasaq nassataqarnermut allanuuluunnit atorneqarsinnaasoq
- Allunaasamerngit aalajangiinermut atorneqarsinnaasut
- Puussiat paarnanut allanullu atorneqarsinnaasut
- Regnslag – pisariaqartillugu unnuisariaqarnermi atorneqarsinnaasoq
- Anna-miit kissassaatigalugu qipiusinnaasoq
- Kalerrisaarummik qallortaat
- Tarrarsuut kalerrisaarinermi atorneqarsinnaasoq
- Anorlersumi ikittartut atorneqarsinnaasut
- Equutissat kakkissarfiillu pappiaqqat
- 1 liter imiisivik
- Mysli sukkulaatit
- Tiggaaqqat
Links
- Navionics immap assingi Android-timut:Akeqartut 980 kr/år missaannik ukiumut – ilaqutariit tablet-iinit telefon-iinilu piffissami pisumi tamanit atorneqarsinnaasut. Ingerlaviit/Ornitallu agguaanneqarsinnaallutik. Agguaanneri/Aaneri pitsaasuullutik.
- GPS Utilities Windows program:
Ingerlatsivimmiit ingerlatsivimmut assigiinngitsunut ingerlateqqinneqarsinnaasut. - Inreach GPS:
Pisiarineqarsinnaapput 2000-3800 missaannik akilerlugit assersuutigalugu Tele/Tusass pisiniarfinnilu allani. Angisuumik skærm-ilerlugu nunap assinginut/ingerlavinnulluunniit imaluunniit nalunaarutaannarnut.
Abonnement (pisartagarinera) akianut ilaanngilaq.
- Tamaasa pisartagarigaanni: SOS pisortanut atassutilik sumiissuseq ilanngullugu
- Tamaasa pisartagarigaanni: Nassiunneqarsinnaapput sms/mail aammalu qulit akeqaratik qulit sinneraanni nassiussineq ataaseq akeqarluni 4-8 kr. missaannik.
- Tamaasa pisartagarigaanni: siumut tigusisussatut aalajangersariikkanut mail/sms pingasut nassiunneqarsinnaallutik – akeqanngitsumik.
- Ukioq tamaat pisartagarigaanni:
Qaammammut 110 kr.-nit missaat taassuma iluani sms/mail qulit akeqanngitsut tigusisussatut siumut aalajangersariikkanut. - Pisartagarigaanni assersuutigalugu qaammatini arfinilinni:
Qaammammut 160 kr.-nit missaat taassuma iluani sms/mail qulit akeqanngitsut tigusisussatut siumut aalajangersariikkanut
- Illit nammineq mobil-it atorneqarsinnaalluni – nalinginnaasumik sms-itungajak.
NB: Februar 2022 aallarnerfigalugu App-it/Mobil-it Inreach GPS-imiit toqqaannartumik nalunaarutinik tigooraajunnaarpoq – tigusineq nipimik nalunaarutigineqartalerluni.
Oversat af Jørgen Labansen